ერიდე ეჭვიანობას
“ერიდე ეჭვიანობას, მწვანე თვალება ჯადოქარს”,
ამბობს შექსპირი, დრამაში, ეჭვიან მავრზე, თავისი ერთ-ერთი პერსონაჟის პირით.
და მართლაც ეჭვიანობას იშვიათად მივყავართ რაიმე სასიკეთომდე. შეიძლება გავიხსენოთ იგივე დეზდემონასა და ოტელოს უბედურება, ასევე მრავალი სხვა, უკვე არა გამოგონილი, არამედ რეალური ადამიანი, რომლებიც სასტიკად დაზარალდნენ თავისი ან სხვისი ეჭვიანობის გამო.
მაგრამ, ეს თითქოს ცოტაა, უკანასკნელ ხანებში გაირკვა, რომ ეჭვიანობა სერიოზულად აზარალებს ადამიანის ჯანმრთელობასაც. საქმე სულაც არ ეხება იმას, რომ ეჭვიანობის შედეგი მეუღლის თავში მოხვედრილი ტაფა ან ჩაქუჩი იქნება. არა, ცუდ დღეში, უპირველეს ყოვლისა აღმოჩნდება ის ვინც ეჭვიანობს, რადგან ეს გრძნობა სხვადასხვა სახის უძლურებების განვითარებას იწვევს.
უწინარეს ყოვლისა, ეჭვინობა იწვევს შფოთიანობის განცდას. შფოთიანობა კი შეიძლება იმდენად ძლიერი იყოს, რომ გამოიწვიოს უძილობა, შეავსოს ყველა ფიქრი, ისე რომ არ დატოვოს სივრცე ჯანსაღი განსჯისთვის. ასეთი მდგომარეობა უდავოდ ცუდად იმოქმედებს კარიერაზე, ოჯახურ ატმოსფეროზე და ასევე გამოიწვევს ნერვული წარმომავლობის თავისა და კუჭის ტკივილებს. ამავე ნიადაგზე შეიძლება აღმოცენდეს კუჭის აშლილობა, გახშირდეს გულისცემა. ძლიერი განცდების ადამიანები ეჭვიანობამ შეიძლება ინფარქტამდეც მიიყვანოს, მითუმეტეს თუ მათ უწინაც ჰქონდათ მისადმი მიდრეკილება. ამასთანავე, ცნობილია შემთხვევები, როდესაც ეჭვიანობა ზემოქმედებს ფსიქიკაზე ან ეჭვიანობით განერვიულებული პირი იწყებს სტრესის “შთანთქმას”, უზომოდ ღებულობს საკვებს და მატულობს წონაში…
მსგავსი სიტუაციების თავიდან აცილების მიზნით,
ეჭვიანმა ადამიანებმა უნდა ისწავლონ დამშვიდება და მოდუნება.
არ ღირს ეჭვიანობის შეტევების დათრგუნვა, ასეთი სიტუაცია უფრო გაამძაფრებს ფსიქოლოგიურ და ფიზიოლოგიურ პრობლემებს. პირიქით, უმჯობესია პარტნიორთან გულახდილი საუბარი სიყვარულზე, ურთიერთობებზე, იმის გარკვევა თუ რა გარემოება იწვევს ეჭვიანობას, ან ხომ არ გაჩნდა ბზარი ურთიერთ მიმართებაში.
შეიძლება, მიმართოთ ფსიქოლოგს ან თავად გაერკვიოთ საკუთარ პრობლემებში. გულახდილობა, როგორც წესი, იწვევს გულახდილობას, ხოლო ისინი ვინც ისწავლიან პარტნიორის ნდობას და სამაგიეროდ ნდობის მიღბას, ეჭვიანობას ბევრად უფრო სწრაფად დააღწევენ თავს. ნდობა ხომ მტკიცე სიყვარულის ნამდვილი ნიშანია.
გაეცანით ბლოგებს sexart.ge-ზე, ასევე გაიცანით საინტერესო ადამიანები
