ბავშვის სქესობრივი აღზრდა
სამწუხაროდ, მშობლების უმრავლესობა თავს არიდებს მოზარდთან სქესობრივ საკითხებზე საუბარს. შედეგად, ბავშვები, სექსის შესახებ პირველად ინფორმაციას იღებენ ქუჩიდან, თანატოლი ბავშვებისგან ან მათზე ასაკით უფროსი მოზარდებისგან.
ძირითადად, ასე იმიტომ ხდება, რომ მშობლები ყოყმანობენ, თავადაც ერიდებათ ამ დელიკატურ თემაზე საუბრის წამოწყება. რისი თქმა შეიძლება ბავშვისთვის და რისი – არა, რას როგორ გაიგებენ და რა იქნება მათთვის გაუგებარი. იმისათვის, რომ ბავშვს ესაუბროთ სექსის თემაზე, არ არის საჭირო განსაკუთრებული ცოდნა. უნდა გამოიჩინოთ მოთმინება და შეასრულოთ რამდენიმე წესი.
1.ბავშვს უნდა ესაუბროთ მშიდად, ეცადეთ არ გაამახვილოთ განსაკუთრებული ყურადღება სექსზე, მოიქეცით ბუნებრივად და განიხილეთ ეს თემაც ჩვეულებრივ, როგორც სხვა, ნებისმიერი თემა.
2.არ არის გრძელი შესავალი საჭირო, უკეთესია ისაუბროთ პირდაპირ და გარკვევით იმაზე, რისი თქმაც გსურთ.
3.შეეცადეთ, რომ ბავშვმა სწორედ აღიქვას თქვენი დამოკიდებულება სექსთან მიმართებაში.
4.თუ ბავშვმა სექსის შესახებ უკვე სხვისგან შეიტყო, სექსს და სასქესო ორგანოებს მოიხსენიებს უხამსი და უცენზურო სიტყვებით, ეცადეთ არ უსაყვედუროთ, რათა არ გამოიწვიოთ მასში ბავშური პროტესტი, თორემ შედეგად მიიღებთ, მხოლოდ იმას, რომ ბავშვი ჯინაზე დაიწყებს უხამსი სიტყვების გამეორებას.
5. ქალისა და მამაკაცის სასქესო ორგანოების დასახელებისას, უნდა შეარჩიოთ სწორი სიტყვები, არ არის აუცილებელი სამედიცინო ტერმინოლოგია, მაგრამ არც ,,ჩიტო’’ და ,,პეპელა’’ გამოდგება.
6.უნდა შეეცადოთ, რომ ბავშვმა კარგად აითვისოს მთავარი წესი: არავის გაეცნოს ქუჩაში, არავის არსად არ გაყვეს და არ გააკეთოს სხვისი მითითებით არაფერი უჩვეულო. ბავშვს უნდა შეეძლოს უცნობი უფროსებისთვის უარის თქმა.
7.ბავშვებთან, სქესობრივ ურთიერთობებზე საუბრის დაწყება სჯობს ადრევე, ვიდრე დაგვიანებით. შეგახსენებთ, რომ სქესობრივი მომწიფება შეიძლება დაიწყოს 9-10წლის ასაკიდან.
8. როგორც ბიჭებმა, ასევე გოგონებმა, უნდა იცოდნენ ერთმანეთის ფიზიოლოგიაში არსებული ცვლილებების შესახებ. მათ, უნდა ჰქონდეთ ინფორმაცია განსხვავებული ორიენტაციის შესახებაც (იგულისხმება ლესბოსელობა, ჰომოსექსუალობა).
9.ტექნიკურად უნდა მიაწოდოთ ბავშვს ინფორმაცია დაავადებების შესახებაც, რომელიც გადამდებია სქესობრივი გზით და მათ შედეგებზე. რათქმაუნდა, ეს უნდა იყოს მარტივი ენით ახსნილი, ყოველგვარი რთული სამედიცინო ტერმინოლოგიის გარეშე.
10.ნუ გაექცევით ბავშვის შეკითხვებს, რომელიც მისი ცნობისმოყვარეობითაა გამოწვეული. ამ მგრძნობიარე თემასთან დაკავშირებულ ნებისმიერ შეკითხვაზე, ბავშვმა უნდა მიიღოს მკაფიო და გასაგები პასუხი.
11.ბავშვის სწორად აღზრდისთვის და საჭირო ინფორმაციის მიწოდებისთვის დაიხმარეთ სპეციალური ლიტერატურა, ასევე შესაძლებელია გაიაროთ კონსულტაცია სპეციალისტთან.
12.აუცილებლად დარწმუნდით, რომ ბავშვმა სწორედ გაიგო რაც აუხსენით. რათქმაუნდა, ერთ საუბარში ყველაფრის დამახსოვრება გაუჭირდება. გამოიჩინეთ მოთმინება. ბავშვს გაუჩნდება დამატებითი შეკითხვებიც, იყავით ამისთვის მზად.
ბავშვის სქესობრივი აღზრდა
მომდევნო სტატიებში შევეცდებით უფრო დაწვრილებით მოგიყვანოთ მაგალითები, კითხვა-პასუხის რეჟიმში, რათა გაგიადვილოთ საუბრის სწორე წამოწყება და მისი მართვა.
გისურვებთ წარმატებებს.
გაეცანით ბლოგებს sexart.ge-ზე, ასევე გაიცანით საინტერესო ადამიანები
