ტკივილი სექსის დროს

სამწუხაროდ, ქალის კვნესა სექსის დროს, ყოველთვის არ მიუთითებს სექსისგან მიღებულ სიამოვნებაზე, ზოგჯერ ეს კვნესა – ტკივილის ნიშანია.
  ამ გამოვლინებას, აქვს სპეციალური სამედიცინო ტერმინი – დისპარეუნია. ასეა თუ ისე, ქალების 60%, რომლებსაც გააჩნიათ ინტიმური ცხოვრება, დგება ამ პრობლემის წინაშე. მოდით, გავერკვიოთ ამ დაავადების სავარაუდო მიზეზებში.
  ტკივილი გარეგანი სასქესო ორგანოების (ვულვის) მიდამოში
  ფიზიკური მიზეზები:
  ეს შეიძლება იყოს სასქესო ბაგეების, ლორწოვანი გარსის ანთება (ვულვიტი) ან საშოს ლორწოვანის ანთება (ვულვოვაგინიტი). მიზეზი ხდება – ვირუსული ინფექცია, ბაქტერიული ან სოკოვანი, ინტიმური ჰიგიენის არასწორად დაცვა. ორსულობა, ანტიბიოტიკების ან ჰორმონალური პრეპარატების მიღება. ნებისმიერ შემთხვევაში, გამოვლინდება მიზეზები და მკურნალობა უნდა დაინიშნოს ექიმი გინეკოლოგის მიერ.
  ემოციური მიზეზები:
  ქვეცნობიერად პარტნიორის ზიზღი. აქ, ერთადერთი გამოსავალია – გულახდილი საუბარი პარტნიორთან, სთხოვეთ მას, იყოს ნაზი და მოსიყვარულე, მოუყევით თქვენს შეგრძნებებზე, შესაძლებელია მოგიწიოთ სექსოლოგთან ვიზიტი.
  ტკივილი საშოში სქესობრივი აქტის დროს
  ფიზიკური მიზეზები:
  შესაძლებელია, რომ თქვენ არასაკმარისად ხართ აღგზნებული და ბუნებრივი ლორწოს უკმარისობა იწვევს თქვენში არასასიამოვნო შეგრძნებას, შესაძლებელია მიზეზი იყოს – ჰორმონალური დარღვევა, დაკავშირებული ძუძუთი კვებასთან, ჩასახვის საწინააღმდეგო ტაბლეტების მიღება, მენოპაუზა, ზოგჯერ მიზეზი ვაგინიზმია, ასევე, ტკივილი დაკავშირებულია არასასიამოვნო მოგონებებთან დეფლორაციის დროს ან მშობიარობისას. გამოიყენეთ სპეციალური დამამშვიდებელი საპოხი – ლუბრიკანტები. ჰორმონალური დარღვევების შემთხვევაში მიმართეთ ექიმს.
  ემოციური მიზეზები:
  ფსიქოლოგიური დაძაბულობა სქესობრივი აქტის დროს, დაკავშირებულია პარტნიორის არა სტაბილურ ურთიერთობასთან, დაბალ თვითშეფასებასთან, საკუთარი სხეულის უკმაყოფილებასთან. პრობლემის გადაწყვეტაში დაგეხმარებათ ფსიქოთერაპევტი.
  ტკივილის შეგრძნება ღრმა შეღწევისას
  ფიზიკური მიზეზები:
  ზოგიერთი გინეკოლოგიური დაავადება, მაგალითად, ენდომეტრიოზი, შეხორცებები, ქრონიკული ანთებები, შარდის ბუშტის ანთება ან საშვილოსნოს არასწორი მდებარეობა. მიმართეთ დახმარებისთვის სპეციალისტს.
  ემოციური მიზეზები:
  ზოგიერთი პრობლემა ფსიქოლოგიური ხასიათისაა, რომელიც უნდა მოაგვაროს სპეციალისტმა.
  უეცარი, მკვეთრი მჭრელი ტკივილი, მუცლის ქვედა ნაწილში – დაუყოვნებლივ გამოიძახეთ სასწრაფო დახმარება, ეს შეიძლება იყოს, საკვერცხეზე კისტის გასკდომის მანიშნებელი, ან და, საშვილოსნოსგარე ორსულობის…
  რჩევა ქალებს, სექსის დროს ტკივილის შეგრძნებისას, ნუ გაჩუმდებით, ნუ მოითმენთ მას. ეს პრობლემა მოგვარებადია, საჭიროა სპეციალისტის დახმარება და პარტნიორის მხრიდან ცოტა მეტი გაგება.